«Барселона» ҳужумчиси Луис Суарес «Ливерпуль»га нисбатан муносабати борасида ўз фикрларини билдириб ўтди.
«Олдиндан нима бўлишини ҳеч қачон билиб бўлмайди. Қачондир Англияга қайтишимга тўғри келса, фақат «Ливерпуль»га қайтаман. Англиянинг бошқа жамоасига ҳеч қачон ўтмайман.
Мен мухлисларни, ажойиб атмосферани жуда ҳам соғинаман. "Ливерпуль"да ўйнаган ҳар қандай футболчи бундай қўллаб-қувватлашнинг қанчалик муҳим эканини яхши билади. Улар менинг юрагимда эканини мухлислар яхши билишади», – дейди Суарес.
Эслатиб ўтамиз, Суарес 2014 йилда «Ливерпуль»дан «Барселона»га 81 миллион евро эвазига ўтганди. Уругвайлик ҳужумчи мерсисайдликлар сафида 133та ўйинда майдонга тушиб, 82та гол урди ва 53та самарали узатмани амалга оширди.