"Барселона" жамоаси дарвозабони Клаудио Бравонинг ҳисоблашича, франциялик ёш ҳужумчи, айни вақтда "Атлетико" сафида тўп сураётган Антуан Гризманн каталонияликлар таркибидан жой олиш учун муносиб футболчи. Бу дарвозабон Гризманн билан бир неча йил олдин Испаниянинг бошқа бир жамоаси "Реал Сосьедад" сафида бирга ўйнаганини эслаб ўтди.

"Гризманн мени ўз ўйини билан ҳайрон қолдирарди. У билан бир жамоада эканимизда меникига келиб турарди, унга ўз тажрибамдан келиб чиққан ҳолда маслаҳатлар берардим. Гоҳида у йўлдан оға бошлаганини сезсам, унинг қулоғидан тортиб, тўғри йўлга солганман ҳам. Кейин у ўз устида яхши ишлашда давом этди ва бугунги кунга келиб дунё даражасидаги футболчига айланди. Гризманнинг савияси унга "Барселона"да ўйнаб кетишга имкон беради", дейди колумбиялик дарвозабон Movistar+ нашрига.