"Палермо" президенти Маурицио Дзампарини полициячиларнинг Италиядаги 35та жамоага нисбатан уларнинг молиявий қинғирликлари бўйича гумон билан текширув бошлаганига дарғазаблик билан муносабат билдирди.
Ҳуқуқни муҳофаза қилиш органлари солиқлардан бўйин товлашда гумон қилаётганлар қаторида ушбу спорт амалдори ҳам бор эди.
"Мен ўйлайманки, бу текширувлар асоссиз. Бу жараённинг кинодан фарқи йўқ. Мен улардан исбот талаб қиламан. Ахир мен ҳамиша қонун доирасида фаолият кўрсатиб келганман. А сериядаги барча жамоаларнинг раҳбарлари йиғилишини ва чемпионат ўйинларини тўхтатиб туришни сўрайман.
Менинг изимга тушишгани ҳақида қандай билганимни айтайинми? Жамоамизнинг собиқ спорт директори Рино Фоски менга қўнғироқ қилди ва кўзларида ёш билан унинг ҳисоб рақамини ҳибс қилишгани ҳақиад айтди. Биласизми, унинг ҳисобида қанча бор эди? 5 минг евро! Бу ҳозирги Италия. Мен бу вазиятга нима дейишни ҳам билмайман. Бу шунчаки шармандали ҳолат", дейди Дзампарини La Repubblica нашрига.
