Биласиз, Ўзбекистон терма жамоаси аъзоси саналадиган тажрибали ҳужумчи Александр Гейнрих айни пайтда қўшни Қозоғистоннинг “Ордабаси” клуби шарафини ҳимоя қилмоқда. Чимкент клуби ҳозирда Туркияда янги мавсумга ҳозирлик ишларини олиб бормоқда.
Мазкур йиғин давомида “Ордабаси” синов-назорат баҳсларида ҳам майдонга тушмоқда. Кеча чимкентликлар Македониянинг “Шкендия” жамоасига қарши баҳс юритишди. Қизиқарли тарзда ўтган матчда қозоқ клуби 1:4 ҳисобида имкониятни бой берди.
Ҳамюртимиз учрашувда тўлиқ ўйнади. “Ордабаси” Туркия йиғинини 10 январ куни бошлаган эди. Энди жамоа эртага ушбу йиғинни якунлайди ва Қозоғистонга қайтади.
Таъкидлаш жоиз, Александр Гейнрих яқиндагина “Ордабаси” билан шартномасини янги мавсум сўнггига қадар узайтирди.
