Киевнинг "Динамо" жамоасида ўзининг юлдузли даврларини ўтказган, Ўзбекистон миллий терма жамоасининг собиқ ҳужумчиси Максим Шацких келажакдаги режалари хусусида гапириб ўтди.
У 2015 йилнинг ёзида Винник шаҳрининг ҳаваскор мақомидаги "Рух" жамоаси билан шартнома имзолаганди. Келишувнинг муддати декабрда якунига етган.
"Ҳали ҳам кучим борлигига ишонаман, шунинг учун ўзимга иш қидиряпман. Шуни айтишим мумкинки, Украинада ўйнашни тўхтатаман. Ҳозирда Осиё чемпионатларидан бирига ёки Америкага кетмоқчиман. Балки, омадим юришиб, MLS`да ўйнарман", - дейди Шацких "Команда" газетасига берган интервьюсида.
