“Локомотив” Дубайга иккинчи сафари олдидан синов-назорат учрашуви ўтказади. Мураббийлар штаби қарорига кўра унда футболчилар икки жамоага бўлиниб, ўзаро рақиб сифатида ҳаракат қилишади.

Қишки йиғин давомида бир қатор футболчилар ўзларини кўрсатиш учун машғулотларга зўр беришган. Уларнинг имкониятларини яна бир марта синовдан ўтказиш учун ҳам Тошкентдаги йиғинда 1 та беллашув керак эди. Аввалига “Бухоро” билан ўйин режалаштирилган, бироқ об-ҳавонинг футбол ўйнаш учун ноқулай келгани важидан у бекор қилинганди. Эндиликда машғулотларда иштирок этаётган барча футболчига имконият бериш учун ҳам уларни икки жамоага бўлиб ўйнатиш афзал кўрилди. Учрашув 31 январь – якшанба куни 13:00 да “Бунёдкор” академиясида бўлиб ўтади.

Эслатиб ўтамиз, эртага “Локомотив” ёшлари мазкур стадионда “Бунёдкор” ёшларига қарши саф тортишади.