«Барселона» клубининг туркиялик ярим ҳимоячиси Арда Турон ўзининг собиқ жамоаси «Атлетико»га қарши Испания чемпионати 22-турида ўтказиладиган учрашув олдидан ўз фикрлари билан ўртоқлашди.
«Мен «Атлетико»ни қаттиқ ҳурмат қиламан ва жамоа ўйинларини мунтазам равишда кузатиб бораман. Менимча, ўйин олдидан ва ундай кейин асабийлашаман, аммо, ўйин вақтида эмас.
Бу ўйин ўта қийин бўлиши аниқ. Биз бу жамоани таъқиб этиб бормоқдамиз. Бу жамоадан ўзиб кетиш учун бор кучимизни ишга соламиз. «Атлетико»га қарши ўйнаш бунгача ҳам осон бўлмаган, бундан кейин ҳам осон бўлмайди» - дейди туркиялик футболчи Sport нашрига берган интервьюсида.
Эслатиб ўтамиз, «Барселона» – «Атлетико» учрашуви эртага, 30 январь куни бўлиб ўтади. Ўйин Тошкент вақти билан соат 20:00да бошланиши белгиланган.
