Футболчилик фаолиятини «Спартак», «Манчестер Юнайтед» ҳамда «Интер» клубларида ўтказган сербиялик футболчи Неманья Видич ўз фаолиятини якунлади.
Бироз олдин 34 ёшли ушбу футболчи "нераззурилар" билан шартномасини бекор қилганди. Жорий мавсумда ҳимоячи «Интер» таркибида биронта ўйинда майдонга тушмади.
Эслатиб ўтамиз, сербиялик бу ҳимоячи 2004 йилдан 2005 йилга қадар «Спартак» сафида тўп суриб, 41 марта майдонга тушган ҳамда тўртта голга муаллифлик қилган.
2006 йилинг январидан эса у «МЮ»га ўтган ва манкунианликлар сафида 5 марта Англия чемпиони бўлган. У "қизил иблислар" билан 2008 йилда Чемпионлар лигаси ғолиблигини қўлга киритганди.
