Айни кунларда Бирлашган Араб Амирлигида ўқув-йиғин машғулотларини олиб бораётган “Насаф” жамоаси бугун йиғин доирасидаги яна бир назорат учрашувини ўтказади.

“Насаф”нинг бугунги назорат учрашувидаги спарринг рақиби яна Жанубий Кореянинг амалдаги чемпиони “Чонбук Моторс” клуби бўлади.

“Насаф” ПФК матбуот хизматининг хабарига кўра, мазкур жамоалар кеча ҳам назорат учрашуви ўтказишган. Кечаги учрашувда ҳисоб очилмаган.

Бўлиб ўтган учрашувда “Насаф” таркибида қуйидаги футболчилар ҳаракат қилишган:  Санжар Қувватов, Илдар Маматказин, Ислом Рашидхонов, Сайдулло Раҳматов (Шароф Муҳиддинов), Сирожиддин Қўзиев, Нажмиддин Нормуродов, Акбар Муродов, Азизжон Ғаниев, Дониёр Нарзуллаев, Дилшод Хушбаков, Бобур Абдухолиқов.

Бугунги навбатдаги назорат учрашуви бошланишини мазкур жамоалар маҳаллий вақт билан соат 16:00га белгилашган.