«Барселона» бош мураббийи Луис Энрике Испания чемпионатининг 22-тури доирасида «Атлетико»га қарши бўлиб ўтган ўйин (2:1) борасида ўз фикрларини билдириб ўтди.

«Қийин ва мураккаб бошланган ўйин назоратини ўз қўлимизга олдик. Ўйинга киришиб кетишимиз учун маълум вақт кетди ва биз гол ўтказиб юбордик. Ўз навбатида ушбу гол уйғонишимизга ёрдам берди.

Иккинчи бўлимдаги бизнинг мақсадимиз ўйинни тезроқ тугатишдан иборат бўлди. Боиси, қийинчиликларга дуч келишимизни билардик. Ўйин сўнгига қадар ҳар қандай натижа қайд этилиши мумкин эди.

Бугун биз учун муҳим кун бўлди. Сабаби, биз яқин таъқибчимизни мағлуб этдик, лекин Ла лигада ҳали мавсум якунлангани йўқ. «Атлетико» охиригача курашди.

Суарес «Ливерпуль»да ўйнаётгандаёқ етук футболчи эди, бу ерга келгандан кейин янада кучайди. Бу ижобий ҳолат», – дейди Энрике.