Хабар берганимиздек, бугун БАА Про Лигасида 16-тур учрашувларига якун ясалди. Турнинг энг сўнгги матчида Ўзбекистон терма жамоаси аъзоси Шавкат Муллажонов тўп сураётган “Ал Шааб” жамоаси “Эмирейтс” майдонига сафар уюштирди.
Анчагина қизқарли кўриниш олган беллашувда “Эмирейтс” 2:1 ҳисобида ғалаба қозонди.
“Эмирейтс” – “Ал Шааб” 2:1
Голлар: Ҳелал Саид (19), Аласани Диало (65).
Таъкидлаш жоиз, ҳамюртимиз Шавкат Муллажонов ўйинни бошланғич таркибда бошлади ва тўлиқ 90 дақиқа майдонда ҳаракат қилди.
Мазкур мағлубиятдан сўнг Вальтер Зенга шогирдлари мусобақа жадвалида 3 очко жамғарганча энг сўнгги – 14-поғонани банд этиб туришибди.
