Испания чемпионатининг 22-тури доирасида бўлиб ўтган "Реал" ва "Эспаньол" жамоалари ўртасидаги учрашувга қисқача қуйидагича таъриф бериш мумкин:

- Жамоаларнинг биринчи даврадаги ўйинида мадридликлар 6:0 ҳисобида ғалаба қозонишганди. "Реал" бу сафар ҳам айнан худди шундай ҳисобда ғалаба қозонди.

- Биринчи ўйинда Криштиану Роналду пента-трикка эришганди, у бу сафар хет-трик билан чекланди. Криштианунинг Ла лигадаги голлари сони 19тага етди ва у "Барселона" ҳужумчиси Луис Суаресга тенглашиб олди.

- Карим Бензема худди биринчи даврада бўлгани каби "Эспаньол" дарвозасини бир марта ишғол қилди.

- "Реал" Зидан бошчилигида, "Бетис"га қарши ўйинни инобатга олмаганда, рақиблари дарвозасига 5тадан тўп киритаётганди, бу сафар жамоа "режа"ни биттага оширди.

- Навас худди мавсум бошида бўлгани каби бугунги ўйинда ҳам ишончли ҳаракат қилиб, "Эспаньол"нинг бир неча хавфли зарбаларини қайтарди.

Ушбу ғалабадан кейин "Реал" ўз очколарини 47тага етказди ва энди "Атлетико"дан атиги 1 очко ортда қолмоқда. Жамоа учинчи поғонада бормоқда.

Испания чемпионати, 22-тур
Реал Мадрид – Эспаньол 6:0 (4:0)
Голлар: 1:0 – 7 Бензема, 2:0 – 12, пенальти Роналду, 3:0 – 16 Хамес, 4:0 – 45 Роналду, 5:0 – 82 Роналду, 6:0 – 86, автогол Дуарте.
Реал Мадрид – Навас, Варан, Марсело, Карвахаль, Рамос, Модрич (Хесе, 63), Кроос (Каземиро, 70), Иско, Хамес, Роналду, Бензема (Васкес, 75).
Эспаньол – Арлаускис, Альваро Гонсалес, Дуарте (Фуэнтес, 46), Лопес, Роко, Жордан, Диоп, Севилья (Дуарте, 46), Санчес (Абраам, 57), Перес, Силла.
Огоҳлантиришлар: Перес (11), Диоп (37), Силла (42), Лопес (42), Альваро Гонсалес (77), Каземиро (84).