Хабарингиз бор, “Бухоро” жамоаси 22-31 январ кунлари янги мавсумга тайёргарлик доирасида пойтахтимизда йиғин ташкил этди.
Аммо жамоа машғулотларида тажрибали футболчи Азиз Ибрагимов кўриниш бераётгани йўқ эди. Маҳоратли ярим ҳимоячи Прагада дам олиш баҳонасида бошқа жамоалардан тушаётган таклифларни ўрганиб чиқаётган эди.
Олинган маълумотларга қараганда, тажрибали футболчи янги мавсумни ҳам айнан “Бухоро”да давом эттиришга қарор қилди. Бугун-эрта Ибрагимовнинг юртимизга қайтиб келиши кутилмоқда.
“Бухоро” футболчилари 4 февралдан яна Тошкентда йиғилишади. Тўртинчи йиғинда Азиз Ибрагимов ҳам иштирок этади.
