Бугун жамоамиз аъзолари қисқа муддатлик таътилдан кейин тайёргарликнинг навбатдаги босқичига киришишади, дея хабар беради "Навбаҳор"нинг расмий сайти.

Аввал хабар бериб ўтганимиздек, бу сафарги ўқув-машғулот йиғини ҳам Тошкентда бўлиб ўтади. Айни пайтда маҳаллий футболчиларимиз пойтахт сари йўлга тушишган. Жамоамиз аъзолари тушдан кейин “Grand Atlas” меҳмонхонасида тўпланиб, кечки машғулотни ўтказишади. Тошкентда ўтказилган дастлабки йиғинда иштирок этган ярим ҳимоячи Азизбек Турғунбоев ва ҳужумчи Шоҳжаҳон Аббосовлар Наманганда қолиб ёшлар жамоаси билан шуғулланиб турадиган бўлишди. Аввал хабар бериб ўтганимиздек, навбатдаги йиғин чоғида таркибга янги футболчиларни қўшилиши кутилмоқда.