Франциянинг «ПСЖ» ва Швеция терма жамоаси ҳужумчиси Златан Иброҳимович парижлик футболчиларнинг хавфсизлиги учун учрашувлардан бирига кузатиб келиш жараёнида жабрланган полиция ходимини қўллаб-қувватлади. Бу ҳақда Goal.com интернет нашри хабар тарқатди.

Ҳужумчи ҳуқуқ-тартибот идоралари ходимини қўллаб-қувватлаш мақсадида унга унинг Швеция миллий терма жамоаси сафида кийган либосини совға қилган.

Эслатиб ўтамиз, полиция ходими Франция чемпионатининг «Сент-Этьен»га қарши учрашувида меҳмон жамоа жойлашган автобусга йўлбошчилик қилб келаётган чоғида йўл транспорт ҳолатига учраган ва шифохонага ётқизилганди. Маълумотларга кўра унинг аҳволи оғир ҳолатда.