"Барселона" клуби ҳужумчиси Луис Суарес 29 март куни Бразилия терма жамоасига қарши учрашувда Уругвай терма жамоаси сафида майдонга қайтади.
Буни ФИФА ҳам тасдиқлади. Эслатиб ўтамиз, Луис Бразилия яшил майдонларида бўлиб ўтган мундиалнинг Италия термасига қарши баҳсда Жоржо Кьеллинини тишлагани учун 9 ўйинга дисквалификация қилинган эди.
ЖЧ-2018 турнирига саралаш 5-тур доирасидан ўрин олган Бразилия - Урагвай баҳси 25 март куни Рефисдаги "Pernambuco" аренасида бўлиб ўтади.
4-турдан сўнг Уругвай 3 ғалаба, 1 дуранг билан 9 очко жамғарган ҳолда Парагвайдан (12 очко) иккинчи ўринда бормоқда. "Пентакампионлар" (7) эса 2 ғалаба, биттадан дуранг ва мағлубият қайд этиб, учинчи поғонани банд этган.
