«Манчестер Сити» ярим ҳимоячиси Яя Турега Хитойнинг 3та жамоаси қизиқиш билдирмоқда.
"The Telegraph" тарқатган маълумотга кўра, улардан бири «Цзянсу Сунин» клуби бўлиб, бу жамоа 32 ёшли ивуарлик футболчига 30 миллион фунт йиллик маош таклиф қилмоқда.
Туре «Цзянсу»га ўтадиган бўлса, ҳафтасига 577 минг фунт даромад топади. Бу эса ҳозирги маошидан икки баравар кўп.
Шу тариқа, Туре жаҳоннинг энг кўп даромад қилувчи футболчилари орасида Лионель Месси («Барселона», 47,8 млн фунт) ва Криштиану Роналду («Реал», 39,7 млн)дан кейин учинчи ўйинчига айланиши мумкин.
Эслатиб ўтамиз, Хитойда трансфер ойнаси 26 февраль куни ёпилади.