Бразилия прокуратураси Испаниянинг “Барселона” клуби ҳужумчиси Неймарга ҳужжатларни қалбакилаштириш ва солиқ тўлашдан бош тортиш бўйича айблов эълон қилди. Унга кўра, Бразилия терма жамоаси ҳужумчиси 7 йил давомида давлат ғазнасига солиқ тўламаган.
Прокуратура хабарига қараганда, қоида бузилиш ҳолатига 2006 йилдан 2013 йилгача бўлган вақт оралиғида йўл қўйилган. Неймардан ташқари, унинг отаси Неймар да Силва Сантос, “Барселона” собиқ президенти Сандро Россел ҳамда Каталония клубининг ҳозирги президенти Хосеп Мария Бартомеуга ҳам айблов қўйилмоқда.
Кеча Неймар Мадрид судида бўлган ва “Барселона” клубига ўтиш жараёни юзасидан тегишли кўрсатмаларни берган.
