"Барселона" билан ўйинда Лионель Мессига нисбатан қилган қўполлиги учун майдондан четлатилган «Атлетико» ҳимоячиси Филипе Луис 3та ўйинга дисквалификация қилинганди.
Мадридликлар ушбу қарор юзасидан дарҳол аппеляция беришди. «Атлетико» раҳбарияти ҳимоячи дастлаб тўпга ўйнаган ва шундан сўнг оёғини олиб қочишга улгурмасдан, Мессига урилган деган фикрни илгари сурди.
Испания футбол федерацияси аппеляция қўмитаси Филипе Луиснинг дисквалификациясини битта ўйинга туширишга қарор қилди. Шу тариқа, ҳимоячи фақат «Эйбар»га қарши ўйинни ўтказиб юборади.