"Барселона" ҳимоячиси Дани Алвес "Реал" ҳужумчиси Криштиану Роналду билан ўрталаридаги муносабатларга аниқлик киритди.

Аввалроқ Роналду Алвеснинг интернетдаги сўзларини танқид қилиб, унинг фикрларини аҳмоқона деб атаган эди.

"Криштианудан хафа эмасман. Менинг сўзларимни бузишган ва Роналду мендан хафа бўлди. Роналду ўйладики, мен у ҳақида гапирганман, аммо менга бунинг кераги йўқ. Гап шундаки, мендан у ҳақида сўрашди мен жавоб бердим. Неймар билан ҳам шундай бўлган эди. Ахир гап таниқли одамлар ҳақида кетмоқда.

У алдовларга ишонмасин, мен у ҳақида гапиришга ошиққаним йўқ. Цюрихда у билан саломлашмоқчи бўлгандим, унинг хафа бўлганини кўрдим. Аммо ҳеч қандай қўрқинчли нарса содир бўлгани йўқ. Роналду мендан нима учун ўзи ҳақида гапирганимни сўради, мен у ҳақида гапирмаганимни айтдим. Унинг мен билан саломлашмагани мени мутлақо ташвишга солмайди", - дейди Алвес.