«Ливерпуль» клуби «Тоттенхэм» ҳимоячиси Микки Ван де Венни ўз таркибига қўшиб олишни кўзламоқда.

«Қизиллар» нидерландиялик футболчи учун 100 миллион евро тўлашга тайёр. Бироқ бу трансфер осон кечмайдиган кўринади, чунки «Тоттенхэм» раҳбарияти ўз юлдузи учун бундан ҳам каттароқ маблағ талаб қилиш ниятида. Агар трансфер амалга ошса, Ван де Вен дунёдаги энг қиммат ҳимоячига айланиши мумкин.

Жорий мавсумда (2025/26) Микки Ван де Вен «Тоттенхэм» сафида барча мусобақаларда 32 та ўйинда майдонга тушди. Марказий ҳимоячи бўлишига қарамай, у сермаҳсуллик борасида ажойиб натижа қайд этмоқда: унинг ҳисобида 7 та гол ва битта голли узатма мавжуд.