Янги мавсумда хорижлик футболчилар хизматидан фойдаланишдан воз кечиб, маҳаллий истеъдод соҳибларининг имкониятларини ривожлантириш ва ўзларини кўрсатишларига йўл очиб беришни маъқул кўрган “Шўртан” футбол клуби раҳбарияти қишки ўқув-йиғин машғулотлари давомида бир қатор футболчиларни кўрикдан ўтказган эди.
Ушбу мавсумда жамоани тарк этган баъзи ўйинчилар сафини бир қатор янги футболчилар тўлдиришди.

Жумладан, шу кеча-кундузда “Шўртан” футбол клуби раҳбарияти Ҳуршид Ходжаев (“Навбаҳор”), Хасанбой Эргашев (“Қўқон-1912”), Аббос Амонов (“Машъал”), Холмурод Холмуродов (“Машъал”), Маъруфхон Муродов (“Бухоро”), Кенжа Тўраев (“Насаф”), Сардор Расулов (“Металлург”), Жасур Бобоев (“Машъал”) каби футболчилар билан бир йиллик шартнома имзолади.