«Реал» клуби раҳбарияти «Барселона» ҳужумчиси Неймарни трансфер қилиш бўйича ҳаракатларини давом эттирмоқда. Каталониянинг Sport.es нашри хабарига кўра, «Реал» вакиллари бўлган агентлар Неймарнинг отаси билан алоқага чиққан ва Флорентино Перес ҳужумчига қизиқишда давом этаётганини билдирган. Шунингдек, улар Неймардан «Барселона»ни тарк этиш истаги ҳақида матбуот орқали оммага маълум қилиниши сўрашган.

Перес ушбу транфер учун талаб қилинган 190 млн еврони тўлаб, у билан йилига 35 млн евро тўлашни кўзда тутадиган 5 йиллик шартнома имзолашга тайёр. Шунингдек, футболчи, каталонияликлар сафини тарк этишга рози бўлиши учун 30 млн евро миқдорида мукофот (бонус) ваъда қилинган. Шу тариқа, бу трансфер амалга ошадиган бўлса, бу «Реал» учун жами 400 миллион еврога тушади.

Бундан олдинроқ, «Барселона» сўралган 190 миллион еврони маблағни «Манчестер Юнайтед» ҳам тўлашга тайёр бўлгани айтилганди.

Флорентино Перес айни вақтда Неймар «Сантос»дан «Барселона»га ўтиш чоғида молиявий фирибгарликка йўл қўйилгани билан боғлиқ юзага келган можаро ҳамда суд жараёни туфайли қийин аҳволга тушиб қолганидан ҳам фойдаланмоқчи экани айтилган.

Эслатиб ўтамиз, Неймар ва унинг отаси 2 февралда Мадриддаги Олий судда тергов қилинганди.