"Челси" жамоаси ярим ҳимоячиси Эден Азар жамоанинг собиқ бош мураббийи Жозе Моуриньодан узр сўраб, унга смс хабари жўнатди.

У ўтган йилнинг охирида мураббий билан низолашиб қолгани ҳақида хабарлар тарқалганди.

"Мен Моуриньога ундан узр сўраб, смс йўлладим. Унинг жамоамизни тарк этганидан афсусдаман. У билан ўтган мавсумда ажойиб ўйинлар кўрсатгандик ва якунда чемпион бўлгандик. Мен ўзимни унинг кетказилишида айбдорлардан бири сифатида сезмоқдаман. Ахир мен жамоада кутилган ўйинни кўрсата олмадим ва натижаларимиз ёмонлашиб кетди. Шунинг учун, мураббийни ишдан бўшатишди. Мен унга узр сўраб ёздим, у тезда жавоб қайтарди ва менга келгусида муваффақият тилади", дея Азарнинг сўзларини келтиради The Guardian нашри.

Эслатиб ўтамиз, 2015 йилнинг 17 декабрида "Челси" раҳбарияти жамоа турнир жадвалида "хавфли ҳудуд"га яқинлашгач, (17-ўрин) Моуриньо ишдан бўшатилган ва унинг ўрнига мавсум якунигача Гуус Хиддинк тайинланганди.