Хитойнинг «Цзянсу Сунин» клуби Туркиянинг «Галатасарой» жамоаси ярим ҳимоячиси Уэсли Снейдерни трансфер қилишга жиддий қизиқиш билдирмоқда.
Fanatik нашрида хабар қилинишича, Хитой жамоаси голландиялик футболчи учун 16 миллион евро бермоқчи.
Футболчининг ўзига эса йилига 7 миллион евро маош тайинлаш назарда тутилган 3 йиллик шартнома таклиф қилинган.
Эслатиб ўтамиз, бу жамоа бундан олдинроқ «Шахтёр» жамоасидан 50 млн евро эвазига Алекс Тейшейрани харид қилганди. Уларнинг «Челси»дан 75 млн евро эвазига Оскарни харид қилиш режаси барбод бўлган. Жамоа қишки трансферлар вақтида яна бир бразилиялик футболчи Жони («Аш-Шабоб») ҳамда Рамиресни («Челси») харид қилганди.
Маълумот учун, бу жамоа Хитой чемпионатида ўтган мавсум якунида (чемпионат 2015 йилнинг 7 мартидан 30 октябригача ўтказилган) 10 ўрин билан кифояланганди. Жамоа акцияларининг бир қисми Alibaba Group раҳбари Жек Мага тегишли ҳисобланади.
