Мадриднинг “Реал” клуби устози Зинедин Зидан яқинда “Челси” аъзоси Эден Азарнинг ўйинлари унга ёқишини таъкидлаганди.
Ўз навбатида “пенсионерлар” етакчиси ҳам Зизу қўл остида тўп тепишга йўқ демаслигини маълум қилди.
- Зидан ёшлигимдан кумирим бўлган. Мана шундай инсонга мен кўрсатадиган ўйин ёқишидан жуда ҳам мамнунман. Жон деб унинг қўл остида тўп сурган бўлардим. Аммо мен айни пайтда “Челси” аъзосиман ва жамоамни ўзгартиришга чоғланаётганим йўқ, - дейди маҳоратли ярим ҳимоячи.
Таъкидлаш жоиз, Эден Азар “Реал” қизиқиш доирасидаги футболчилардан бири сифатида эътироф этилмоқда.
