«Монако» ҳимоячиси Фабиу Коэнтрау Франция чемпионатининг 25-тури доирасида "Ницца"га қарши ўйинда оёғини синдириб олди. Бу ҳақда клуб матбуот хизмати хабар тарқатди.
Жароҳатдан фориғ бўлиш учун қанча вақт кетиши ҳақида маълумот берилмаган. Португалиялик футболчининг жароҳати жиддий бўлса, у ёзда бўладиган Европа чемпионатида иштирок эта олмаслиги мумкин.
Коэнтрау Франция чемпионатининг ушбу мавсумида 14та ўйинда майдонга тушди ва 3та голга муаллифлик қилиб, 2та голга узатмани амалга оширган. «Монако» ёзда футболчини «Реал»дан мавсум охирига қадар ижарага олганди.













