«Реал» жамоаси сардори Серхио Рамос Испания чемпионатининг 23-тури доирасида «Гранада»га қарши бўлиб ўтган ўйиндан (2:1) кейин ярим ҳимоячи Лука Модричнинг ўйинига баҳо берди.

«Гол футболчининг майдондаги аҳамиятини оширади. Аммо, менинг тушунишимча, Модрич биз учун ўта муҳим ўйинчи. У — «Реал»нинг умуртқа поғонаси.

Тушунарлики, барча ўйинлар турлича бўлади. Буниси эса анча қайноқ ва курашларга бой бўлди. Биз ўйин тақдирини эртароқ ҳал қилиб қўйишимиз мумкин эди, аммо имкониятлардан фойдалана олмадик. Шунга қарамай, ўз мақсадимизга эришдик ва Луканинг голи бизга муҳим бўлган 3 очкони тақдим қилди.

Бизга аниқлик етишмади. Одатдагига нисбатан тўпни кўп йўқотдик», – дейди Рамос.