Сўнгги пайтларда кўплаб нашрлар “Бавария” ҳужумчиси Роберт Левандовскининг Мадриднинг “Реал” клуби билан музокаралар бошлаб юборгани ҳақида хабар бера бошлашганди.

Аммо 27 ёшли поляк ҳужумчисининг агенти саналадиган Цезарий Кухарский футболчининг “Реал”га ўтиш ниятида эмас эканини маълум қилди.

- Роберт айни дамда ўзига мос жамоада тўп сурмоқда. У – топ даражадаги футболчи. Шу сабабли ҳам “Лева”ни кўплаб гранд клублар билан боғлайверишади. Бу – табиий ҳол. Лекин мижозим яқин вақт ичида жамоасини ўзгартирмаса керак. “Реал” билан ҳам музокралар олиб борилаётгани йўқ, - дейди Кухарский.

Таъкидлаш жоиз, Роберт Левандовски 2014 йилдан буён “Бавария” сафида ўйнаб келмоқда.