Аввал хабар бериб ўтганимиздек, Тошкентдаги сўнгги йиғинда жамоамиз тўртта назорат учрашувини ўтказишни режалаштирганди. Ўйинлар ўтказиладиган саналар ва рақиблар номи маълум бўлди.

12 февраль куни биринчи назорат учрашуви Жиззахнинг “Сўғдиёна” клубига қарши бўлиб ўтади. Даврон Файзиев жамоаси билан январь ойида ўтказилган йиғинда ҳам ўртоқлик учрашуви ўтказилган эди. Унда жиззахликлар 2:1 ҳисобида ғалаба қозонишганди.

Иккинчи назорат баҳси 15 февраль куни бўлиб ўтади. Шу куни вакилларимизга Фарғонанинг “Нефтчи” жамоаси рақиблик қилади.

18 февраль куни эса Навоийнинг “Қизилқум” жамоасига қарши майдонга тушиш режалаштирилган.

Ниҳоят йиғиннинг сўнгги куни – 21 ферваль санасида “Олмалиқ” клуби билан назорат синов ўйинини ўтказамиз.

Барча учрашувларда Муроджон Исмоилов шогирдларига омад тилаб қоламиз.