"Челси"нинг бельгиялик ярим ҳимоячиси Эден Азар фаолиятини "Реал"да давом эттириши мумкин. Бу ҳақда журналист Эдуардо Инди El Chiringuito de Jugones телеканали эфирида айтиб ўтган.
У икки жамоа бу борадаги жараённи бошлагани, Евро-2016 турниридан кейин трансфер амалга ошиши ҳақида айтган.
25 ёшли бу футболчи учун мадридликлар 25 млн евро таклиф қилишган. Бу эса 2015 йилнинг ёзида нашрларда футболчи учун айнан "Реал" томонидан таклиф қилингани айтилган 100 млн евродан 4 баробар камдир. Лондонликлар Азарнинг спорт формаси ёмонлашгани туфайли уни 25 млн евро эвазига ҳам қўйиб юборишга рози бўлиши айтилган. Жамоа раҳбари Роман Абрамович ҳам унинг ҳозирги ҳолатидан кўнгли тўлмаяпти.
Маълумот учун, Азар жорий мавсумда "Челси" сафида 22та ўйин ўтказди ва атиги битта гол уриб, 2та голли узатма муаллифи бўлди.
