“Манчестер Юнайтед” ва “Реал” клуби собиқ футболчиси Дэвид Бекхэмнинг ўғли 14 ёшли Ромео Бекхэм келажакда футболчи бўлмоқчи эмас. Айнан шу боис у Лондоннинг “Арсенал” клуби академиясини тарк этди. Daily Mail нашрининг хабар беришича афсонавий футболчининг иккинчи ўғли ўзини модельерликда синаб кўрмоқчи. Бу соҳа у учун бегона эмас. Ромео модага жуда қизиқади. 2010 йилда у “GQ” журнали талқинига кўра Британиянинг энг замонавий услубда кийинадиган эркаклари рўйхатида қайд этилганди. Шунингдек, у 2013 йилда “Burberry” савдо белгисининг баҳор ва ёз коллекцияси учун суратга тушган. “Ўғлимнинг футболдан кетиш истаги мени бироз ранжитганини инкор этмайман. Фарзандларимдан бирортаси менинг касбимни давом эттирса яхши бўларди. Аммо улар ўз келажагини ўзлари яратишади. Мен Ромеонинг қарорини ҳурмат қиламан”, – дейди Бекхэм. Жалолиддин Равшан