Футзал бўйича Осиё чемпионатининг 2-тури доирасида Саудия Арабистони ва Ливан терма жамоалари ўзаро дуранг ўйнашди (3:3). Ўйиндан кейин саудияликлар бош мураббийи Иферманс ўз фикрлари билан ўртоқлашди.

— Йигитлардан жуда ҳам хурсандман. Улар ақлбовар қилмас ўйин намойиш қилишди. Мусобақадан олдин Саудияни кўпчилик турнирдаги энг кучсиз жамоа деб ўлайшганди. Таркибимизда 19, 20, 21 ёшдаги футболчилар тўпланган. Улар кучли жамоаларга қарши ўйнашяпти. Улар билан фахрланаман.

— Аввалги ўйинга нисбатан бугунги ўйинда жамоангизда қайси жиҳатлар яхшиланди.
— Аввалги ўйинда ҳам, бугун гол уришда муаммоларга дуч келдик. Бунда тажриба катта аҳамиятга эга. Бугун яхшироқ ўйнадик. Кўрамиз, кейинги ўйинда қандай ўйнар эканмиз.

— Бугун ўзбекистонлик мухлислар Саудия Арабистонини қўллаб-қувватлашди. Бу жамоангизга ёрдам бердими?
— Албатта. Бу ақлбовар қилмас даражада мухлислик қилишди. Лекин фақатгина биз бунга таяниб қолмаганмиз. Ўзбекистонга қарши ўйинда мухлислар Ўзбекистонни қўллаб қўвватлашганда ҳам ўзимизни йўқотиб қўймагандик. Бизнинг мақсадимиз бошқа эди, ўз мақсадимиз йўлида ҳаракат қиляпмиз.

— Ҳакамлик ҳақида фикрингиз.
— Ҳакамлар ўз ишини қилишди. Ўйинда ҳис ҳаяжон, асабийлик бўлади. Ҳозир ҳаммаси жойида. Бугунги карточкалар орқали икки футболчимиз кейинги турда бизга ёрдам бера олишмайди. Лекин ҳакамлар ўз ишини қилишди, биз ўз ишимизни бажардик.