«Арсенал» жамоасининг германиялик ярим ҳимоячиси Месут Ўзил лондонликлар билан 2016 йилнинг ёзигача тузилган амалдаги шартномасини яна 2 йилга узайтириш бўйича таклифни рад қилган.
Marca нашри хабарига кўра, футболчи жамоа раҳбарияти билан учрашувда ўзини келажакда «Арсенал» билан кўрмаётганини билдирган.
Айни вақтда ушбу 27 ёшли футболчига Испаниянинг «Барселона» жамоасидан қизиқиш бўлаётгани, каталонияликлар вакиллари футболчининг агенти билан бундан олдин ҳам бир неча марта алоқага чиққани айтилган.
Бундан олдинроқ, футболчининг собиқ жамоаси «Реал» уни қайтариб сотиб олиши мумкинлиги ҳақида айтилганди.
Жорий мавсумда Ўзил АПЛнинг 23 ўйинида иштирок этиб, 4та гол урган ва 16та голли узатма амалга оширган.
