«Лестер» жамоаси бош мураббийи Клаудио Раньери «Арсенал»га қарши ўйин олдидан журналистларнинг саволларига жавоб берди. У мавсум якунида ва кейинги мавсумда қандай натижалар кутаётгани ҳақида айтиб ўтган.

«Менда инглиз тили билан муаммолар бор. Шунинг учун фақат тушунган саволларимга жавоб бераман.

Мен альпинист эмасман, лекин мен юқорида туриш нима эканини биламан. Бундай вазиятда фақат юқорига қараш ва пастга қарамаслик керак. Чўққига интилиш керак ва "Олға, йигитлар!" дейиш керак.

Балки, бу мавсум «Лестер» учун аталиши мумкин. Бу мавсумда «Лестер»да чемпион бўлиш учун яхши имконият ҳосил бўлган. Мухлисларимиз ҳам, мен ҳам буни орзу қилмоқдаман. Аммо вазиятга реал баҳо бериб, диққатни йўқотмаслик керак.

Бизнинг имкониятимиз охиргиси бўлиши ҳам мумкин. Ёки ҳозир, ёки ҳеч қачон. Кейин нима бўлишини ўйлаш ҳам оғир. Умид қиламанки, кейинги мавсумда биз АПЛда олтинчи ва ўнинчи ўринлар орасида бўла оламиз», дейди Раньери.

Эслатиб ўтамиз, «Арсенал»га қарши ўйинда «Лестер» 1:2 ҳисобида мағлуб бўлди. Айни вақтда «тулкилар» 26 турдан кейин 53 очко билан биринчи ўринда жойлашиб турибди.