Германия Бундеслигасида иштирок этувчи "Дармштадт" клубининг бир неча ўйинчиси Бунседлиганинг 22-турида "Бавария"га қарши учрашувни ўтказиб юбориш учун атайлаб сариқ карточка олишда гумон қилинмоқдалар.
"Дармштадт"нинг беш футболчиси 21-турда "Байер"га қарши ўз майдонидаги учрашувда ўзларининг бир ўйинга четлатилишига олиб келган огоҳлантиришлар олдилар (Гондорф, 37; Розенталь, 69; Сулу, 84; Хеллер, 85; Нимайер, 88; Рауш, 90+2). Учрашув 1:2 ҳисобида леверкузенликлар фойдасига якунланган.
Учрашувнинг охирги 10 дақиқасида улар томонидан 4 та сариқ карточка олинган. Гумонларни "Дармштадт"нинг бош мураббийи Дирк Шустернинг айтган сўзлари ҳам кучайтирмоқда. Шустер ўйиндан кейин "Ҳа, бизнинг асосий ўйинчиларимиз кейинги ўйинни дисквалификация сабабли ўтказиб юборадилар. Биз "Бавария"га қарши учрашувни унақасига ҳам, бунақасига ҳам барибир ютқазардик", деб Шустернинг айтган сўзларини келтириб ўтди Вild нашри.
Шу тариқа футболчилар "Бавария" билан учрашувда кучларини зое кетмаслик ва кейинги ўйинларда дисквалификация олиш хавфисиз майдонга қайтиш учун атайлаб сариқ карточка олган бўлишлари мумкин.
