Аргентинанинг Кордоба шаҳрида (Испанияда ҳам шундай шаҳар бор) 48 ёшли ҳакам Сезар Флорес футболчига қизил карточка кўрсатганидан сўнг ўша футболчи томонидан отиб ўлдирилди. Бу ҳақда goal.com хабар бермоқда.
Майдондан четлатилгани учун ғазабга келган (исми аниқланмаган) футболчи ҳакам томон уч маротаба (боши, бўйни ва кўкрагига) ўқ узди. 48 ёшли Сезар ўша жойнинг ўзида жон берди. Шунингдек, майдонда тўп сураётган Уолтер Сарате ҳам жароҳат олган ва шу заҳоти шифохонага етказилган. Унинг аҳволи оғир эмаслиги маълум бўлди.
Таъкидлаш керакки, ҳакамнинг жонига қасд қилган футболчи мамлакат полицияси томонидан қидирилмоқда.
