Мадриднинг «Реал» жамоаси ҳужумчиси Криштиану Роналду ўзининг жорий мавсум якунида жамоани тарк этиши мумкинлиги ҳақидаги хабарларга муносабат билдирди.
«Мен «Реал»да ўзимни бахтиёр сезмоқдаман. Бундан бошқача бўлиши мумкинми? Мени бу ерда мухлислар қўллаб-қувватлашади. Мен ҳамиша асосий таркибда майдонга тушмоқдаман. Мен дунёнинг энг кучли жамоаси учун гол уришда давом этмоқдаман.
Яна қаерни излаб кетишим мумкин. «Реал» ҳамиша барча турнирларда ғолибликка асосий даъвогарлар қаторида бўлади. Жамоамиз ЕЧЛда кетма-кет ғалабаларга эришмоқда. Жорий мавсумда биз бу кубокни ва Испания чемпионатини ютмоқчимиз», дея интервью берган португалиялик футболчи УЕФА сайтига.
