Испания чемпионатининг 16-тури қолдирилган ўйини доирасида "Спортинг" ва "Барселона" жамоалари учрашуви якунига етди. Луис Энрике жамоа рақибни мағлуб этишда катта муаммога дуч келмади.

Баҳснинг 25-дақиқасида Лионель Месси 25 метрлардан ерлатиб зарба берди ва тўпни дарвозага жойлади. Бу Мессининг Ла лигадаги юбилей - 300-голи бўлди.

Орадан 2 дақиқа ўтиб хихонликлар ҳисобни тенглаштиришди. Чиройли қарши ҳужум натижасида чап томондан ерлатиб етказилган узатмани Карлос Кастро дарвозанинг бўш қолган қисмига жойлади.

Орадан кўп ўтмасдан Лионель Месси ўз ҳисобига навбатдаги голни ёзди. Аргентиналик футболчи жарима майдончасига кирган Суаресга узатма берди. Луис гавдаси билан тўпни ўзида олиб қолди ва орқароқдан келган Мессининг ўзига аниқ узатма берди. Леонинг кучли зарбасини дарвозабон қайтара олмади

Иккинчи бўлим ўрталарида "Спортинг" дарвозабони Неймарга нисбатан қўполлик учун пенальти белгилади. Суареснинг 11 метрли нуқтадан зарбасини Куэльярнинг ўзи қайтарди.

Кўп ўтмасдан уругвайлик футболчи хатосини тўғрилади. У жарима майдончаси ичида Видалдан узатма қабул қилди, икки ҳимоячи орасидан ўтди ва чап оёқда зарба берди. Тўп олис устунга тегиб, тўрга бориб тушди.

"Барселона" ушбу ғалабадан кейин очколарини 60тага етди ҳамда "Атлетико"дан 6, "Реал"дан 7 очкога илгарилаб кетди.

Испания чемпионати, 16-турнинг қолдирилган баҳси
Спортинг Хихон – Барселона 1:3 (1:2)
Голлар: 0:1 – 25 Месси, 1:1 – 27 Кастро, 1:2 – 31 Месси, 1:3 – 67 Суарес.
Спортинг Хихон – Куэльяр, Хорхе Мере, Лихновски, Канелья, Менендес (Баррера, 74), Маскарель, Касес, Халилович, Перес (Лопес, 69), Лора, Кастро (Жони, 68).
Барселона – Браво, Матье, Пике (Бартра, 81), Адриано, Алеиш Видаль, Ракитич, Бускетс (Маскерано, 80), Туран, Неймар, Месси, Суарес.
Огоҳлантиришлар: Хорхе Мере (61), Бускетс (78), Канелья (90).