Хабарингиз бор, кеча “Барселона” Испания чемпионатидан ўрин олган “Спортинг”га қарши қолдирилган учрашувини ўтказди. Унда каталонияликлар "Спортинг Хихон" майдонида меҳмон бўлишди. Мазкур баҳсда “Барселона” 3:1 ҳисобида зафар қучди. Ўйинда Суарес битта голга муаллифлик қилган бўлса, Месси дубль қайд этди.
Мессининг Ла Лигадаги голлари сони 300 тага етгани тўғрисида хабар бериб ўтгандик. Энди эса каталониялик юлдузнинг 1-50-100-200-300-голлари қачон урилганини сизларга ҳавола этамиз.
1-голини 2005 йил 1 майда
50-голини 2009 йил 22 март
100-голини 2010 йил 20 ноябрь
200-голини 2013 йил 27 январь
300-голини 2016 йил 17 февралда киритган.
Қолаверса, каталонияликлар барча мусобақаларда кетма-кет 31 ўйинда мағлуб бўлишмади ва клуб рекордини янгилашди. Аввалги энг яхши натижа Пеп Гвардиола бошчилигида 2010/11 йилги (28та ўйин) мавсумда ўрнатилганди. Сўнгги бор Луис Энрике шогирдлари 2015 йилнинг 3 октябрь куни “Севилья”га 1:2 ҳисобида мағлуб бўлганди.