“Насаф” футбол клуби мавсумлар оралиғида жамоа таркибига келиб қўшилган янги футболчиларни оммага расман таништиради.
Клуб расмий сайтининг ёзишича, тақдимот маросими эртага, 20 февраль куни соат 9:30 Қарши Марказий стадионида ўтказилади.
Унда жамоанинг янги футболчилари – Санжар Қувватов, Илдар Маматказин, Сайдулла Раҳматов, Дилшод Раҳматуллаев ва черногориялик Деян Больевич иштирок этишади. Шунингдек, жамоа бош менежери Шамил Ярулин ва бош мураббий Рўзиқул Бердиев журналистлар саволларига жавоб қайтаришади.