Бироз олдин хабар берганимиздек, пойтахтимиз мезбонлик қилаётган футзал бўйича Осиё чемпионати баҳсларида 3-ўрин учун ўйин бўлиб ўтди.
Унда Таиланд термаси Вьетнам билан бронза медаллари учун кураш олиб борди. Якунда Таиланд термаси бронза медалларига эаг чиқди.
Учрашув якунлангач ҳар икки терма устозлари иштирокида матбуот анжумни ташкил этилди. Дастлаб Вьетнам термаси бош мураббийи Бруно Гарсия журналистларнинг саволларига жавоб қайтарди.
- Биз айни пайтда ҳам хурсанд, ҳам ҳафамиз. Боиси охирги иккита учрашувда мағлуб бўлдик. Аммо бизга Жаҳон чемпионати йўлланмаси қўлга киритилгани тасалли бермоқда. Бевосита ўйинга тўхталадиган бўлсам, учрашувда ҳисоб 3:0 пайти ҳакам нотўғри қарор чиқарди. У қилган хатосини тушунди, лекин қарорни ўзгартириб ўтирмади, ҳисоб янада йирик кўриниш олди. Аммо бунинг учун уни қаттиқ айблаб ўтириш шарт эмас, сабаби биз шундоқ ҳам мағлуб бўлаётган эдик.
Нима бўлганда ҳам, мундиал йўлланмаси қўлга киритилди. Мусобақадаги бош мақсадимиз ҳам шу эди. Энди Жаҳон чемпионатига тайёргарлик олиб борамиз.
Мусобақа мобайнида ажойиб атмосферага гувоҳ бўлдик. Қилинган меҳмондўстликдан мамнунмиз. Бунинг учун Вьетнам футбол федерацияси номидан миннатдорчилик билдирманан, - дейди тажрибали мутахассис.
