Мадриднинг "Реал" клуби ҳимоячиси Марсело Испания чемпионатининг навбатдаги турида "Малага" билан дуранг (1:1) қайд этиб, чемпионлик пойгасидаги имкониятларини қийинлаштириб юборганлигини таъкидлаб ўтди. Шундай бўлсада, у жамоасининг яхши ўйин намойиш қилганлиги қўшимча қилиб ўтди.
"Турнир жадвалидаги ҳолатимиз ёмонлашмоқда. Биз ортга бир қадам ташладик. Аммо титул учун курашни давом эттирамиз, – дейди Марсело AS нашрига. – "Реал" яхшироқ ўйнади, рақиб гол урди. Бизда ҳам голли вазиятлар бўлди, бундан фойдалана олмадик. Якунда эса бу биз учун қимматга тушди".
Эслатиб ўтамиз, "қироллик клуби" навбатдаги 25-турни ўз майдонида ҳамшаҳари "Атлетико"га қарши ўтказади. Учрашув 27 февраль куни бўлиб ўтади.