Мюнхеннинг "Бавария" Арьен Роббен тез орада жамоа хавбеки Франк Рибери яна дуэт ҳосил қилиб, мухлисларни хурсанд қилишига ишонади.
Иккала футболчи сўнгги вақтларда жароҳатлар сабаб майдонга туша олмай келаётир. Фақатгина, Германия Бундеслигаси 22- турига келиб, "Дармштадт"га қарши кечган баҳсда майдонда бирга ҳаракат қилишди.
– Бу жамоадошим, менинг ва ҳамма учун ажойиб дамлар эди. Рибери - Роббен дуэти ҳали ҳам ҳаёт. Биз анча вақт бирга ўйнадик. Энди бироз соғлиққа ҳам эътибор бериш керак. Қолган барчаси секин-аста ўз изига тушиб кетади, – дейди Роббен Bildга.
