Янги мавсумда "Манчестер Юнайтед"ни бошқариши ҳақида кўп гапирилаётган португалиялик мутахассис Жозе Моуриньо Манчестер шаҳридан уй олди. Бу ҳақда Correio da Manha нашри хабар тарқатган.
Бу хабар унинг мавсум якунида "МЮ"да голландиялик мураббий Луи ван Гаалнинг ўрнини эгаллаши ҳақидаги хабарларга дастак бўлди.
Кейинги хабарларда мухлислардан кейин жамоа футболчилари ҳам бош мураббийнинг фаолиятидан норози экани ва унинг ўрнига Жозе Моуриньонинг келишини исташаётгани ҳақида хабар берилганди. Шунингдек, жамоа раҳбарияти ҳам ван Гаалнинг натижаларидан норози.
