Эртага “Бухоро” жамоаси аъзолари Бухоро шаҳрида тўпланишади ва биринчи турга тайёргарликни бошлашади. Бир неча кундан бери жамоа етакчи футболчилар билан шартномалар имзолаб келмақда.
“Бухоро” бугун яна бир харидни расмийлаштирди. Бухоро футболи тарбияланувчиси Жасур Ҳасанов бугун жамоа билан шартнома имзолади ва “Бухоро” футболчисига айланди.
Жасур Ҳасанов 2012 йилги мавсумдан сўнг “Бухоро”ни тарк этган эди ва бугунги кунга қадар Тошкентнинг “Локомотив” жамоасида тўп сурди.
Ўтган мавсум Ҳасанов “Локомотив” таркибида жами 23 та учрашувда майдонга тушиб 3 марта гол уришга мувоффақ бўлган.
