Испания чемпионатининг 31-тури доирасида «Барселона» ва «Реал» жамоалари ўртасидаги ўйин бўладиган кун аниқланди.
Sport.es тарқатган маълумотга кўра, навбатдаги эл-класико 2 апрель куни «Камп Ноу» стадионида ўтказилади. Ўйин Тошкент вақти билан 00.30да бошланади.
Эслатиб ўтамиз, биринчи даврада бўлиб ўтган ўйинда «Барселона» сафарда «Реал»ни 4:0 ҳисобида тор-мор этганди.
Ла лиганинг 25-туридан кейин каталонияликлар жадвални бошқаришмоқда. "Қироллик клуби" азалий рақибидан 9 очко ортда қолган ҳолда, 3-ўринда бормоқда.