“Локомотив” футболчилари мавсумдаги иккинчи расмий беллашувга тайёргарликни бошлашди.

Клуб расмий сайтининг ёзишича, Саудия клуби билан Тошкентда бўлиб ўтган ўйинда жароҳати сабаб қайдномага киритилмаган Икром Алибоев умумий гуруҳга қўшилиб улгурди. Сешанба оқшомига қадар футболчи ўйинга тайёр бўлиши кутилмоқда.

Жамоа етакчиларидан бири Сервер Жепаровда эса аксинча – кичик жароҳат бор. Бугун ярим ҳимоячи якка ҳолда машғулот ўтказди ва шифокорлар назорати остида бўлди. Қолган барча футболчилар Йеличич ҳамда Микляев ихтиёрида шуғулланишди.

Маълум бўлишича, “Локомотив” делегацияси 28 февраль куни соат 10:00 да Жиддага йўл олади. “Қирол Абдуллоҳ” стадиони мезбонлик қиладиган “Ал Иттиҳод”га қарши беллашув 1 март – сешанба куни соат 22:40 да бошланади.