ФИФАнинг собиқ президенти Йозеф Блаттер ташкилотнинг янги президенти этиб сайланган Жанни Инфантино унинг муносиб давомчиси бўлишини айтди. Бу ҳақда AP агентлиги маълум қилди.
ФИФА президентига сайловлар Цюрихда (Швейцария) 26 февралда бўлиб ўтди. УЕФА бош котиби, 45 ёшли Инфантино овоз беришнинг 2-босқичида 115 та овоз билан ютди.
"Инфантино менинг ишимни давом эттириш ва коррупцион инқироздан кейин ФИФАдаги ишларнинг ҳолатини барқарорлаштириш учун барча сифатларга эга", деб айтди Блаттер.
Блаттер Инфантино тажриба, билим, стратегик ва дипломатик малакаларга эга эканлигини таъкидлаб ўтди.
Инфантино ФИФАнинг 9-президенти бўлди. Аввалроқ ташкилотга француз Робер Герен (1904-1906), англиялик Дэниел Вулфолл (1906-1918), француз Жюль Римэ (1931-1954), бельгиялик Рудолф Селдрейерс (1954-1955), англиялик Артур Дрюри (1955-1961), Стенли Роуз (1961-1974), бразилиялик Жоао Авеланж (1974-1998), швейцариялик Йозеф Блаттер (1998 йилдан кейин) бошчилик қилган.
ФИФА президенти учун кейинги сайловлар 2019 йилда бўлиб ўтади. Шу тариқа, Инфантино Блаттернинг мандатини якунлайди.
