“Бунёдкор”нинг Осиё Чемпионлар лигаси гуруҳ босқичидаги рақиби саналадиган Саудия Арабистонининг амалдаги чемпиони бўлмиш “Ал Наср” клубида бош мураббий ўзгарганидан хабарингиз бор.
Италиялик собиқ ҳимоячи Фабио Каннаваро жамоанинг муваффақиятсиз ўйини ва қониқарсиз натижалари туфайли 4 ойлик фаолиятдан сўнг “Ал Наср” устозлигидан истеъфога чиқарилганди.
Tuttomercato нашрининг маълумот тарқатишича, Каннаваро Италияда ишлаш ниятида экан. Унга “Наср”дан кетгач Хитойнинг “Шэньчжэнь” жамоасидан ҳам таклиф тушганди. Аммо Фабио Каннаваро бу таклифни рад этди. Маълум бўлишича, у эндиликда Осиёда эмас, балки Европа клубларида фаолият олиб боришни кўзламоқда.
Италян нашрлари Каннаваронинг яқин вақт ичида Италиянинг бирорта клубини қабул қилиб олиши мумкинлиги ҳақида ёзишмоқда.
